Mizoram Men’s Senior Cricket team chuan Ranji Trophy an khelh mekah Arunachal Pradesh chu wicket 8 in an hneh.
Lal Bahadur Shastri Stadium a inkhelah Arunachal lamin vuak an thlang a, an first innings-ah run 265 siamin Mizoram state pawn player Mohit Jangra chuan wicket 6 a la.
Mizoram in 1st innings-ah run 323 siam ve thungin state pawn player Agni Chopra chuan run 114 a siam a. Outstation player dang KC Cariappa chuan run 74 siamin tualchhung player pahnih Vikash Kumar leh Lalhruaimawia Ralte ten run 58 leh 25 an siam a. Joseph Lalthankhuma’n run 24 a thawh tel.
Arunachal in 2nd innings-ah run 134 chauh an siam a. Mizoram tan Jangra leh Cariappa ten wicket nga ve ve la in Mizoram in chak turin run 77 chauh 2nd innings-ah an mamawh a. Lalhruaizela leh Vikash Kumar ten run 39 leh 26 siamin awlsam takin Pathianni khan hnehna an chang a. Zirtawpni hian Meghalaya an hmachhawn leh ang.