Aizawl: Foundation For Drug-Free Mizoram chuan an pawl member, MLA-a tling tharte an lawmpuina kal zelah nimin khan an patron, Cabinet Minister Lalrinpuii hnenah lawmpuina thuziak an hlan.
Health minister chuan thu sawiin Mizoram chuan mi thahnemngaite zara ramin tun huna a mamawh tak, tlawmngai pawl an nei leh an zinga a tel ve chu lawmawm a tih thu a sawi a. Sorkar chuan ruihhlo laka Mizoram chhanchhuah chu a ngai thutak hle tih sawiin, Foundation For Drug-Free Mizoram te nen thawhho theihna kawng zawn leh tangkai theihnaah puih a inhuam thu a sawi.
Foundation For Drug-Free Mizoram te’n an sawi danin, kum 4 chhungin tleirawl mi 12,500 te ruihhlo laka fihlim turin an lo kaihruai tawh a ni.