Kolasib-a India Republic Day lawmnaa khuallian Ba- wrhsap John LT Sanga’n kum 2023 chhung khan Kolasib district-ah thubuai 231 ziahluh a nih thu leh Police te hnuchhuina atanga pawisa leh thil bo Rs. nuai 41.75 hu hmuhlet a nih thu a sawi.
Kolasib Bawrhsap chuan dan lova kuhva tawlhruk bag 584 man a nih thu pawh sawiin, zu leh damdawi engemaw- zat man a nih tu pawh a sawi a. Sikul hrang hrang leh kohhran programme-ah te ruihhlo thatloh zia leh internet kaltlanga pawikhawihna chungch- ang inzirtirna kalpui a nih thu a sawi.
Excise & Narcotics Department, Kolasib District chuan District chhunga ruihhlo lut tur ven leh dap chhuah hna an thawhnaah Police leh YMA (NGO) te nen joint duty te an neih ho thin thu a sawi a. Kum 2023 chhung khan saw- rkar tan revenue Rs nuai 32.81 vel an hmuh chhuah thu a sawi. Zu leh damdawi thahnem tak manin, MLP Act hnuaiah thubuai 3,264 leh NDPS Act hnuaiah thubuai 19 an ziaklut niin a sawi bawk.
Kolasib District-ah dan leh thupek ngaihpawimawh a nih theih nan District Court tihchangtlun hna thawh mek niin, District Co- urt Complex-a Multipurpose Building sak hna leh Project Venga Grade-I Judicial Quarters sak hna te zawh tawh a ni a. Project Ve- ngah Fast Track Court building thar sak hna thawh mek a ni. Kum 2023 chhung khan District Court chuan civil case 934-ah case 709 ching felin, criminal case 672-ah case 462 a ching fel niin Bawrhsap chuan a sawi.
CAU-Regional Agri Fair, Imphal, Manipura neihah KVK Kolasib chu Zone VII KVK 43 aiawh tura thlan niin, lawmman pakhatna an dawng a. Senior Scientist and Head Dr Michelle C. Lallawm- kimi chuan kum 2023
khan award pahnih – Best KVK Scientist Award leh Outstanding Achievement Award te a dawng bawk.
Fisheries Departm- ent kaltlangin PMMSY hnuaiah Kolasib District-ah beneficiary 150 hnenah new pond siamna tur leh beneficiary 66 hnenah rearing pond siamna tur pek niin, 50% subsidised rate-in sangha chi nuai 9 sing 8 sem a ni a. 10 ton capacity Ice-Plant siamna tur buaipui mek niin, backyard ornamental fish rearing unit 1 siam zawh tawh a nih bakah, hatchery unit 2 siam hna thawh mek a ni. RKVY hnuaiah mi 13 hnenah new pond siamna tur leh mi 7 hnenah rearing pond siamna tur tanpuina pek a ni bawk.