Aizawl: Excise & Narcotics Department chuan hmun hnihah heroin thahnem tak man.
Ningani tlai dar 3:15 khan END hian Zanlawn, Kolasib District-ah Heroin Kg 1 & gram 53 (Hawng 96) leh a neitu nia puh mi pahnih – Kapthanruma (42), Khawmawi, Myanmar leh Lalruatkima (51), Bualpui, Kolasib District-a khawsa nia inchhalte chu an man.
An ni hnen atang hian heroin phurhna atana an hman Maruti Eeco Van Regn No MZ06-A/0057 an hrensak bawk.
Zirtawpni zing dar 1:30 khan, Bairabi road, Rengtekawn, Kolasib District-ah Heroin gram 261.370 (Hawng 13) an man leh bawk. Heroin man zawng zawng hi Kg 1 & gram 314 (Hawng 109) a ni.
Heroin mante hi state pawna tihral tum mek lai a ni.
Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a, court-ah hruai nghal a ni.
Republic Day 2024 lawmnaah Serchhip Excise & Narcotics Station-a thawk mi pahnih – Sub-Inspector B. Lalengmawia chuan Governor’s Gold Medal leh Constable C/494 Linda Lalhmangaihsangi chuan Governor’s Silver Medal an dawng.