Aizawl : Mizoram Pradesh Youth Congress Committee (MPYCC) chuan nimin khan thuchhuah siamin, ZPM sorkarin thla thum pawh an la sorkar tlin hma hauha treausry khar (stop payment) a ngai te chu pawi an tih thu leh lungchhiat thlak an tih thu an tar lang.
An thuchhuahah MPYCC chuan, Mizoram sum harsat zia leh inrenchem ngaih zia hre reng chunga duhsak zawngte vulh nan leh lungawilo thlem nan Chief Minister Adviser hautak lutuk ruat teuh teuh te hian inrenchemna kalpui an tum loh zia a ti chiang a, an sum renchem loh phuhruknan mipui harsatna chhawk zangkhai aia phur ti rit tura tui bill tihsan tuma hma an la zui hi Mizoram mipui an zah loh leh pawisak loh zia a chiang a, enchhin tura inzawrh chu mipui bumna maiah an ngaih thu an tar lang.
MPYCC chuan ZPM sorkar chu ni 50 chhung chauh an kal chhungin OMB (Open Market Borrowing) hmangin Rs Vbc.80 puk an tum leh der tawh nia tar langin, Mizoram sum dinhmun hre chunga ruahmanna siama hmala turin Mizoram sorkar an ngen bawk.