AZL: Zirtawpni kalta tlai khan Excise & Narcotics Department chuan Tuidam khua, YMA Run bulah heroin grams 763 (hawng 66) leh a neitu nia puh hnam dang pahnih an man.
Heroin neitua puhte hi Abdul Mazid (24), Kalinagar, P.S Katigorah, Silchar, Cachar District, Assam leh Majibur Rahman (24), Pratappur Forest Village, Cachar, Assam-a khawsa nia inchhalte an ni.
Anni pahnih hnen atang hian heroin phurhna atana lirthei an hman, Mahindra Bolero (ZLX Model) (Registration No. MZ/07 – 0678) pawh man nghal a ni. Heng heroin man te hi state pawna tihral tum mek lai a ni.
Ruihhlo vanga mante hi dan tlawhchhanin thubuai siamsak an ni a, court-ah hruai nghal an ni.