Aizawl: Tuichang bialtu MLA W.Chhuanawma, Deputy Chief Whip ni bawk chuan February 5, 2024 atang khan a bial chhung, Tuichang South Block huam chhung a tlawh kual a. Khawtlang mipui, NGO leh sorkar department hrang hrangin an mamawhte a hnenah an lo thlen.
Nimin khan Khawhai Village Council huaihawtin Khawhai Town Hall-ah bialtu MLA chawimawina hun chu Khawhai VCP Daksiamliana Sailo kaihhruaiin neih a ni a. He hunah hian NGO hrang hrang te, thlai chingtu pawl hrang hrang te, sorkar department hrang hrangte an kalkhawm a ni.
He hunah hian bialtu MLA chuan Pathian leh mipuite zara hnathawh kawr ha mai a nih thu te sawiin, ZPM sorkarah mipuite an thla a muan thu a sawi a. Bial chhung mipuite chu a tana tawngtai thin turin a sawm bawk.
Chawimawina hun hman zawhah hian bialtu MLA ruahmannain Khawhai Town Hall-ah KVK Khawzawl ten thlai chingtute tan training neih a ni.
Bialtu MLA hian Khawhai PHC tlawhin, thawktuten an mamawh hrang hrang an lo thlen te a theih ang anga a ngaihtuahsak tur thu a hrilh.