Argentina midfielder Enzo Fernandez chuan kum khat chauh Chelsea a zawm hnuin chhuah a rilruk leh der tawh. Blues hian kum 23 mi Fernandez manah 121m euros (£107m) zet an seng a, kum riat leh a chanve daih conract an ziahpui bawk. (FootballTransfers.com)
Chelsea player-te chuan an manager Mauricio Pochettino leh a staff-te’n tactical element-a coaching an neih tlem thu an sawi a, player tharte chuan hun rei tak chhung contract an ziah avangin an inchhir thu an sawi. (Athletic – subscription required)
Chetchhiatpui viau mah se Chelsea hian Pochettino hi ban chuk chuk an tum hran lova, a hma lam hun ennawnna atan season tawp nghah thlen hram an tum. (Football.London)
An manager Jurgen Klopp-a’n season tawp hunah a chhuak dawn tih thutlukna a siam hnuin Liverpool leh Bayer Leverkusen manager Xabi Alonso te chu an inbe nghal. (Footmercato – in French)
Manchester United chuan nipui bazara an bazar hunah rawlthar lama insawrbing an duh a. Crystal Palace leh France Under-21 winger Michael Olise leh Everton defender Jarrad Branthwaite te lak an tum dawn. (inews)
Nipui bazar lo awm tur atang hian United manager Erik ten Hag chuan bazara an chet lak dan tur chungchangah thuneihna a nei tlem leh zual tawh dawn. (Metro)
Manchester City chuan Girona-ah loan a khel mek Brazilian winger Savio chu Troyes atangin an la la fel lo. Inbiakna an neih tawh vangin City hian inremna an neih theih ngei erawh an beisei hle. (ESPN)
Troyes hi City football Group a tel an nih vangin Mancheser City hian Savio an lak fel hmain Premier League thuneitute hnenah fair market value evidence an pek a ngai dawn. (Telegraph – subscription required)