Aizawl: BJP Mizoram President Vanlalhmuaka’n Mizoramah hmasawnna hna thawh hrang hrangte hi central sorkar hmalakna deuh vek a nih thu a sawi.
BJP hian nimin khan an pisa, Mipui Run-ah Friday Political Session an nei a. Thusawitu BJP Mizoram president chuan, “Aizawl khawpui chhung traffic jam tihziaawmna tur atana central hmalakna Aizawl By-Pass Road pawh hi tute emaw chuan an party hmalakna anga sawi ta mai mai leh sorkar hmasa an rin loh vanga tun sorkara rawn pek chhuah anga mipui hnena puang zar an awm te hi a makin, Mizoram mipuite pawh hian thudik leh thil dik kan hriat ve hi a hun tawh,” tiin, central sorkar hmalakna deuh vek a nih thu a sawi.
Vanlalhmuaka chuan hmasawnna inkalpawhna kawngpui Mizoram a siamna tur hmalak mek te, Aizawl atanga Tuipang te, Seling atanga Dulte te, Keifang atanga tuivai te, Silchar atanga Sairang Four lane te leh a dang pawh, Mizoram sorkar zawk hian an thawhpui that loh avangin hna kal chak thei lo tih a sawi bawk.