- Lallunghnema, Charity Lodge
Tun hnaiah mi dawihzep pakhat ka tawng a. A dawihzep hle a, a fing lo bawk. Chû mi dawihzep tak chuan an ration buhfai a la ve lo! A chhan chu retailer a ngam loh vang a ni. He thu hi kan nau pakhatin min hrilh. Tukkhat chu he pa hian Ration buhfai, ama quota ngei chu a ni thum naah lak a tum a. A lak theih tawh loh thu an lo hrilh a. Tih ngaihna a hre tawh lo. A mangang hle si a. Kan thianpa’n he thu hi min hrilh a, ” Lo kal se, kan lo pui ang e, chutiang quota la thei lo chu a dik lo alawm. Quota a nei a, a la ngei tur a ni”, ka ti a. Mahse, a huaisennain a uai thlu thei ngang lova. Ti hian zu tia,”Tun tumah chuan ka hre thiam thei mai a, mahse ni dangah hetianga ka tawn leh chuan ka hrilh ang che u”, buhfai la thei lo, a qouta chântu hian a ti! Chhungkaw pa ber a ni lawi si.A buaithlak hle thin a ni.
Kan dawihzep luat avangin thil tam tak kan chân thin a, pawisa tam tak kan hloh thin bawk. Consumer Right hriat tlem vangin kan thil neih tur kan nei thei lova. Kan hlohva, kan chân mek zel a ni. Mizoram hi ât huaina ram a ni a, dawihzepte chânna ram a ni; ât huainain ram a ti chhia a, dawihzepin mihring nun a tihniam a ni, tih te pawh hi i hria ang u.
Mizoramah hian ei rawngbawl nan LP Gas hi kan hman nasat ber a ni a. Tuna a rate hi Kg 14 chu Rs 1055/- a ni a. Gas card hi hman mumal a ni lova, awmze nei lovin Consumer-ten an kawl mai mai a ni. Missed call Booking tih hi dan phuahchawp a ni a, Mipui laka exploitation a ni.
Tun hnaia ka whatsApp message hmuh thenkhat ka rawn pho chhuak ve hrim hrim teh ang. In dawn dawnin lo dawng mai teh u. Ka insawi theihna a ni lo! a ni lo takzet e.
Khai aw!
A lawmawm thin hle mai, I hnathawh hi mipui tan malsawmna a ni.- Pu Hmâa.
Fakna hi a dawngtu tan hian a lawmawm, fak phute fak hi mifing awm dan a ni. I ziak tha e. Lo dam tha zel rawh.”– Upa Rintea.
Centre for Consumer Education chu engtinnge kan hman tangkai theih ang han ziak leh rawh aw, next issue-ah. – Upa T. Rinawma.
Ka chhanna: Centre for Consumer Education hian complaint kan dawng a, kan umzui a, kan buaipui thin. Thil chi hrang hrangah hma kan la, Consumer Awareness han bei reng a. A tul dan ang angin kan che chhuak thin.
Mahni vei zawng, Rod hi consumer ten a buk ngei a an lei hi an tan a tha a ni tih lo tlangaupui ve teh u. – Pu Dawnga, Legal Metrology
Siaha District Consumer Union hruaitute leh Siaha Legal Metrology hotuten ABC, Meisavaih leh kan Rod zuartute an tlawh a, an hlim tlang hle. -Prof. Chawngkhuma, ..Siaha Dist Consumer Union.
In va ti tha em! Tlawh ve fo an tha khawp mai. Mipui rawngbawl hi chu mahni inphat a ngai fo a ni.
- C.Rohnuna, Secy.CFCE
I hma lakna hi a ropui thin e”-Chda Zozam Times Editor.
Ka chhanna:Chutia mi?
Indane Gas Agency-ten vawiinah kan veng Ramhlun Venglaiah an rawn sem a. An sem hmain min call tur No. an rawn pe a. Kan call a, A man zat tur Rs 1066/- a rawn lang a, mahse kan la taa, Rs 1063/- an ti leh daih a, eng nge a awmzia. –Masâwma Sailo.
Ramhlun Venglaiah Gas tunah hian kan la a, A man kan pek tur hi Rs 1063 tih a nih laiin Invoice a kan dawnah hian Rs 1055 hi a inziak a. Helaia Rs 8/- difference awm ta si hi eng man atana kan chawi tur nge nita ang le – 8794330945.
Hetiang hi a ni ta nuai mai a, Gas Agent te chuan min bâwl tluang zel a, nawr let dan ngaihtuah a tul ta hle a ni e.
Zawhna: Sir, I buai lai a ni em? Siaha atangin a nia.
Keimah:Eng nge ni ta?
Zawhna:Siaha lamah hian Consumer-ten complaint han thlen na tur a awm em le? Complain theh luh ka duh a”.
Keimah: “I hming address, phone number, I harsatna, opposite Party”.
Channa: “Courier laka lungawi lohna a nia, Sir”
Keimah: “Resord kan vawng thin a, tunah pawh kan lo laksak dawn che nia”.
Chhanna: “Aw le Sir, Delivery Pvt.Ltd (Courier Service) hian online service leh App hrang hrang atanga thil kan chahte hi Abikapur (Silchar) a an Facility ah khuan nei tak tak, a chhan mumal tak awm si lovin an delay fova. Hetianga thil chah nei, kan order an lo cancel thin a, a chahtu tan COD option hman theih lovin hrem bakah Pincode ang tawp a block thin a nih avangin a buaithlak thin hle a. Chu delay customer ni a dawn ni tur fel taka an tidanglam fo bawk. Tin, Delivery Dist hian Customer Care Executive live phone a biak thin an dah lova. Automated IVR chauh an hman avangin harsatna an hnena a thlen kawngah harsatna a awm bawk.
Chu mai bakah an service pek pakhat(Delivery Direct) an tih a thil thawnna manah Envelope hmanga lehkha pawimawh thawn man pawh Rs 138 te an charge a, hei hi a lo lutuk bawk.
He ka Complaint hi keimah ang bawk a, Online a thil chah ve thin mi eng emaw zat harsatna tawk mek an nih bawk avangin harsatna kan tawh zel loh nan an chhungah Dan ang a, arang lama hma min laksak turin ka ngen a che.
Complaint-tu hming, veng, khaw hming chu thupsak theih ka beisei.
–From New Siaha West-2 Siaha.
Online Business kalpui a nih atang hian inbumna a nasa zual a, thawmhnaw leh bungraw chahtu tam takin harsatna an tawk mek a ni. Heng bungraw chahtute hian Consumer an nih angin dilna leh chanvo an nei tih inhre ngai se, huaisen taka hmachhawn ngam turin kan chah duh a ni.
Join:Centre For Consumer Education
Republic, Mual Vengchung, Aizawl
Mizoram Pin-796001
Contact-9482321690/9862288.