Sawi hlawh Kanye West chu Juda hawtu leh phalna la miah lova album thar, Black Sabbath ‘War Pigs’ sample hmangluitu ah puhin na takin a sawisel.
Instagram-ah Ozzy hian West chu bitumin album thar, ‘Vultures’ tihlar nan Black Sabbath ho ‘anti-war’ hla hmang ah a puh rualin, he thila hian inzawmna emawh thawhhona engmah an nei lo, a ti bawk.
A thil post-ah hian rapper hi a tag nghe nghe a, 1983 live performance-a ‘war pig’ chu khatih laia US festival-a an thlawh kha a duh lai lai sample lain, mahni ta cheia a lo chei chu hriatthiam harsa a ti.
Juda huatna uar taka sawitu a nih vang hrim hrim pawhin thawkhat laia ‘sample’ a dil pawh khan a phal lo bur.
“He mihring nen hian inzawmna engmah kan nei lo. A tawngkam leh chetvel dan hian mi tam tak te thinlung hliam tawh thin a ni,” tiin Ozzy hian a umzui bawk.