Aizawl : Health Minister Lalrinpuii’n Inrinni khan Hnahthial-ah ‘National Deworming Day’ a hmanpui a, South Tuipui bialtu MLA Jeje Lalpek- hlua’n a telpui bawk.
Health Minister chuan Hnahthial District Hospital building Rs. vaibelchhe 17 man sak thuai tura peihfel a nih tawh thu leh health and wellness centre, Electric veng-a sak tur a nih thu te Health Minister chuan a sawi a. Civil hospital chep lutuk tih zangkhai nan leh thawktute indaihzai zawk nan mipui ten ZMC pan nachang hre zual zel se, a tih thu a sawi a. ZMC thuamthat na tura Chief Minister in immediate relief atan Rs. vaibel- chhe 1.4 a ruahmansak thu pawh sawiin, health sector lama harsatna tam tak a phuhruk theih a beisei thu a sawi a. Hospital a thawk-te chu fakawm a tih thu sawi- in, theihtawp an chhuah thinnaah lawmthu a sawi a, an hna chu mipui rawngbawlna a ni tih hre reng tura chahin an awm- na hmun apiangah lung- awi taka theihtawp chhuah thin turin a chah bawk.