French Ligue-ah champion lai Paris Saint Germain in champion nawn leh an hnaih a, point 11 ngawtin an sang fal tawh. Point 11 a sang fal turin PSG hian inrinni zana an mikhual Lille chu 3-1 in an hneh.
Parc des Princes-a lenglut Lille in bul an tan tha viau a, inkhel tan atanga minute rukna lekah Yusuf Yazici goal thun hmangin hma an hruai. Hma taka goal an thun hian palian PSG a chhaihkawlh lek fang a, hma takah goal hnihin an ch-hang let.
Champion lai PSG tan hian Goncalo Ramos chuan minute 10-naah goal thunin an si phurh a sut. 1-1 a nih hnuin PSG hian inkhel an thunun zui nghal chat a, goal an thawkchhuak leh thuai. Minute 17-naah Lille pla-yer Alexsandro chuan an lamah a ti-goal a, mualneitu hmahruai letna goal a thun sak. Hun rei tak chhung goal lut a awm loh vang vang hnuin minute 80-naah Randal Kolo Muani chuan an goal thumna a thun a, an chakna a nemnghet.
An mualah harsa lo taka hnehna chang PSG hian an hmahruaina an tizau a, an hnuai chiaha awm Nice nen an inkarah point 11 a tla zep mek a. Nice ai hian vawi khatin an khel tam zawk thung.
Lille an hmachhawn tum hian PSG manager Luis Enrique chuan an player pawimawh Kylian Mbappe a chhawr lo. Champions League-ah Real Sociedad an hma-chhawn dawn vangin Mbappe hi hahdamtir a ni