Infiammite khawmpui lian ber Summer Olympic-ah football a champion ni mek Brazil chu Paris 2024 Olympic-ah an inlan dawn lo. Brazil hian South America khawmual atanga Olympic khel tur zawnna hnuhnungah an elpui lian Argentina chu si khat faiin an hneh lo.
Olympic ah champion nawn leh tuma tan khawh Brazil hi miute 77-naa Luciano Gondou tauh luh hmangin an tlawm a, Argentina an hneh lo. Argentina hi Olympic khel turin la tling chiang bik lo mah se Brazil erawh an tla chiang nghal thung. Brazil hi Olympic-a football-ah vawi li an champion tawh a. A vawi thum nan champion zawn tum viau mah se an tum an tihlawhtling thei ta lo thung.
Brazil hnawkchhuaktu Argentina hi Olympic football-ah vawihnih, 2004 leh 2008-ah an champion tawh a, a vawi thum nan champion beiseina an nei mek. Argentina hian Olympic khel tur zawnnaah point 5 hmuin an khelh tur an khel zo tawh a, Point li hmu mek Paraguay chungah an awm mek a. Paraguary hian Venezuela an hmachhawn zui leh ang a, Conmebol atanga Olympic khel tur tihchian a ni ngal ang.