rapper Kanye West-a’n March thlaa Australia tlawh a tum thu hriat a nih veleh rang takin Prime Minister Scott Morrison chuan an ram chhunga lut tur chuan full vaccine a la ngei tur a ni ang, tiin a tawngchhuak nghal.
“Dan a awm a, full vaccine lak tur a ni ang. Hei hi Dan a ni,” tiin Morrison hian a sawi. Queensland bial a fannaah media mite zawhna chhângin, “He dan hian tute pawh a huam vek. Tunge i nih, tih lam a ni lo. Heng te hi Dan awmsa a ni a, Dan zawm la, i lo lut thei ang. Dan i zawm loh chuan i lut lovang” a ti a ni.
Sydney Morning Herald tarlan danin, West hian Australian Football League (AFL) biain, March 21-ah hian Melbourne khawpuia Marvel Stadium-a inlan remti turin phalna a dil.
Rapper lar West hi full vaccine a lak leh lak loh chiang tak hriat a ni lova, chutih rualin, Australia sorkar eawh a khauh viau dawn a, full vaccine la lo te chu an ramah a mikhual thei dawn lo a ni.
Austrlian PM thusawi chungchangah West-a chhanna hriat a ni lem lova, sawi kai hat thin a nihnaah engtin tak che leh ang maw, tih chu mi tam tak hriat châk a ni der tawh. Inrinsiakna a tam nghal.