Central YMA, MZP, MSU, MHIP leh MUP te awmkhawmna NGO Coordination Committee (NGOCC) chuan ramri hung, Border Fencing leh Free Movement Regime (FMR) thiah duh lohna lantir dawn.
Thawhlehni tlaia Central YMA President Lalhmachhuana kaihhruaina hnuaiah, Central YMA Committee Room-a NGOCC chuan FMR thiah leh Border Fencing duh lohna leh sut leh tura ngenna, Union Home Minister hnena memorandum theh luh a nih tawh baka hma lak zel dan tur relin an thutkhawm.
Thutkhawmah hian India leh Myanmar ramri hung tum leh FMR thiah duh lohna lantirna punkhawm huaihawt an rel a. A hun atan February 21, 2024 (Nilaini) chawhnu dar 1 ruatin, a hmun atan Vanapa Hall kawt nise an ti bawk.