AZL: MZP General Headquarters hruaituten Mizoram chhunga Chakma hel pawlte training camp awm chu titawp nghal turin Central Young Chakma Association hruaitute an hriattir.
MZP hruaitute leh CYCA hruaitute chu thawhlehnni khan MZP Sub Headquarters, Chawngte Pisa-ah an inkawm a, MZP chuan Mizoram chhunga Chakma hel pawl (PCJSS) te training camp Lunglei leh Mamit district chhung hmun riata awmte titawp tura hmala turin CYCA hruaitute chu hriattirin, hel camp-te chu a rang thei ang bera tihtawp a nih loh chuan hma an lak tur thu an hrilh.
Hemi bakah hian Bangladesh atanga Chakma foreigner dan loa lo lut tam chu Chakma Mizoram chunga awmsate tan pawh thil pawi tak a la nih dawn avangin Chakma illegal immigrant-te chak taka dang turin CYCA hruaitute chu an hrilh bawk.
MZP hruaitute chuan nimina khan kum 2014-a an sak Borapansury-a Zofate Chawlhbuk chu tlawhin, a hmun hmate an sam fai bawk a ni.