Aizawl : Govt. J. Thankima College-in nimin khan Cultural Day Cum GJTC Fest an hmang a, Minister Vanlalhlana’n a hmanpui.
Minister chuan zirlaite chu lehkhabu atang chauha thiamna nei lova, khawvel danglam ang zela thiamna tha zawk zawng thin tur leh tumruh, taima, tuarchhel leh teirei peih mi ni turin a chah a. Eizaw- nnaah Mizoram chauh duhtawk lova ram pawna lama inzarpharh tur leh dikna leh rinawmna ngaipawimawha, MPSC, UPSC bakah SSC exam uar tur leh zir sang ni ringawt lova mithiam, rawntlak leh hnathawk thei nih tum turin a chah.
Minister Vanlalhlana hian Govt. J. Thankima College tihhmasawnna atan MLA fund Rs. nuai 5 a pe a. Cultural item-a inelna an buatsaih lawmman a sem nghal bawk.
Govt. J. Thankima College hi a tirah Baw- ngkawn leh Durtlang khawtlangin an din a. J. Thankima College (1993) leh Lalhmingthanga College (1992) te chu kum 2002-ah College pakhatah chhunfinin L&J College tih a ni a. Kum 2007-ah J. Thankima College tih ni- in, NAAC tehna hmasa- berah C++ a ni a. Tehna thar ber December 2022-ah A+ hmuin Mizoram sawrkar College-ah A+ hmu thei awmchhun an ni