Jail Visiting Board member ten nimin khan Lunglei District Jail an tlawh a. Inkhawm tawi Jail Visiting Board Chairman, District Legal Service Authority, Lunglei Chairman ni bawk Vanlalenmawia kaihruaiah Lunglei West bialtu MLA T. Lalhlimpuia bakah DIG (SR) C. Lalthanmawia leh Lunglei Bawrhsap Ramdinliani te pawh an tel.
Lunglei West bial- tu MLA T. Lalhlim- puia chuan rawngba- wlna avanga Lunglei District Jail chu vawi hnih a tlawh tawh thu sawiin, a building rawp tawh tak leh staff indaihlohna te veiawm a tih thu a sawi a. Jail sak thatna tur DPR buatsaih mek a nih thu sawiin, sawrkar tharah District Jail in harsatna an neih te sutkian a nih theih ngei a beisei thu leh bialtu MLA a nihna zawn atang pawha theihtawp a chhuah tur thu a sawi.
Jail tang tam tak te chu an sual vang aimahin vanduai van- ga tang te an nih hla- wm thu sawiin, saw- rkarin Jail tang te tan thiamthil zirna tur (s- kill development project) a ruahman mek thu a sawi a. Jail tang te chu an tan chhung hun hmang tha tura chahin, Jail atanga an chhuah hunah pawh leirem rapa, nun kawng tha zawha, chhungkua dina, India khua leh tui tha an ni leh thei tih hre reng turin a chah bawk.
DIG (SR) C. Lalt- hanmawia pawhin Jail tawt aiin Jail ruak cuh Kristian tamna state tan a mawi tih sawiin, Jail chu inhremna aiin insiamthat nana siam a nih thu a sawi.
Lunglei Bawrhsap Ramdinliani pawhin Jail chu inhremna ni lova, nun siamthat nana siam a nih thu uar taka sawiin, Jail tang te chu beidawng mai lova, tha taka an jail tan hun chhung hmang tlingtlaa, nun thar nei chunga Jail chhuahsan tum turin a chah bawk.
Sawrkar thuchhua- hin a tarlan danin District Jail Lunglei hi Sept 19, 1977 ah luah tan niin, Head of Office chu Superintendent a ni a. Mizorama Jail lian ber dawttu a ni. Jail din tirh lamah CRPF ten venhim hna thawkin, anni hnuah hian MAP ten venhim hna an thawk ve leh thung a. Tunah chuan Security Armed Gua- rd chu MRHG & CD te kutah a awm mek a. Jail chhung guard staff te erawh Jail warder te an ni.
Lunglei District Jail hi mipa 99 leh hmeichhia 10; an vaiin mi 109 tan theihna tura duan ni mahse, mipa 129 leh hmeichhia 25, an vaiin mi 154 an tang mek a. Thawktu an indaihloh hle a, war- der pakhatin tang pa- ruk veng tura manual-in a tih laiin, za chu- ang an ven a ngaih chang te a awm. Tha- wktu dah belh bakah sanction post (warder bik-ah) siam belh pawh thil tul tak a nih thu sawrkar thuchhuahah chuan tarlan a ni.
Jail Visiting Boa- rd hnenah hian Jail tang ten an harsatna leh ngaihmawh zawng chi hrang hrang te an lo thlen a. Jail thu- neitu te pawhin an harsatna hrang hrang te lo thlenin, a rang lama hma laksak turin an lo ngen a. Jail tang te tan Mental Health Camp buatsaih nghal a ni bawk.