Aizawl : Excise & Narcotics Department, Mara Thyutlia Py (MTP) leh Assam Rifles te thawkho chuan February 22, 2024 zan dar 9:30 khan Bualpui Road, Siahatla-II, Siaha-ah heroin gram 277 (Hawng 22) an man.
Ruihhlo neitu nia puh mi pathum – Bika (39), Salen, Thantlang District, Myanmar; Zatlungliana (42), Sangau-IV, Lawngtlai District leh |uankhara (56), Thaltlang, Lawngtlai District nia inchhalte an man bakah, heroin an phurhna lirthei, Mahindra Pick-up (Reg.no. MZ 01 U 7436) pawh hrensak an ni.
Heng heroin te hi Salen, Thantlang District, Hakha, Myanmar atanga an lak, Siaha leh a chhehvela hralh tura tih mek a ni.
Heroin vanga mante hi The Narcotic Drugs & Psychotropic Substances Act, 1985 tlawhchhanin thubuai siamsak an ni a. Nimin khan Court-a hruai nghal an ni.