Rajiv Gandhi Stadium, Aizawl a khelh mek Khelo India University Games 2023 Mipa Football Inelna chuan a vawrtawp a thleng hnai ta a, vawiinah semi-final khelh zawh a ni ang a. Naktuk Thawhtanni hian final khelh niin, inelna zawh fel a ni ang.
Semi-final hmasa zawk hi zing dar 9:00 ah khelh tan a ni dawn a, Group A champion University of Calicut leh Group B-a pahnihna Mahatma Gandhi Universiry an inhmachhawn ang. Inelna neih meka khel tha tak University of Calicut hian champion lai University of Punjab, Patiala pawh an hneh a. KIUG 2024 men’s football-ah group match a chak vei thei awmchhun an ni. University of Calicut hmachhawn tur Mahatma Gandhi University hian Inrinni a an khingpui Adamas University chu minute 65-naa Hari Shankar goal thun hmanga hnehin, Group-ah pahnihna ni chungin semi-final an lut.
Semi-final hnuhnung zawk hi chhun dar 12:00-ah khelh tan a ni dawn a, champion lai University of Punjad leh Group B champion University of Kerala te an inhmachhawn ang.
Champion lai University of Punjab hian point ruk hmuin semi-final an lut. An khingpui tur University of Kerala hian inrinni tlaia an khingpui Shivaji University chu 7-0 ngawtin an sawp. Shivaji University an sawp vangin Group B champion an ni a, semi-final an lut ta a ni.
Khelo India University Games Mipa Football Inelnaah hian Team 8 an tel a, inrinni khan group match khelh zawh a ni a. Group khata titha pahnihin semi-final an lut a. Vawiin-ah semi-final khelh zawh a ni ang.