Arsenal, Manchester United leh Tottenham te chu nipui bazar inhawn hunah Fenerbahce midfielder Sebastian Szymanski lak tumin an inel hlawm dawn. Kum 24 mi Poland international hi AC Milan leh Inter Milan te pawhin an ngaihven ve bawk. (Teamtalk)
Manchester United striker Mason Greenwood chuan Getafe-ah cham chhunzawm a duh niin Getafe president Angel Torres chuan a sawi. (Metro)
Netherlands defender Denzel Dumfries leh Inter Milan te chu kum 2025 hnu lam thleng cham chhunzawm turin contract thar chungchangah an indawr nawn leh. (Gazzetta dello Sport – in Italian)
Chelsea chuan nipui bazar inhawn hunah Spain goalkeeper Robert Sanchez hralh an tum a. Sanchez hmunruak luahtu atan Arsenal a hmun chang phak ta lo England goalkeeper Aaron Ramsdale lak an tum dawn. (HITC)
Arsenal chuan Juventus forward Kenan Yildiz an ngaihven a. Kum 18 mi Turkey international hi Liverpool leh Borussia Dortmund te pawhin an bengkhawn ve bawk. (Calciomercato – in Italian)
Nipui bazar inhawn hunah Jarrod Branthwaite a chhuak a nih chuan Everton chuan Sunderland defender Dan Ballard lak an tum dawn. (Football Transfers)
Saudi club pahnih; Al-Ittihad leh Al-Nassr te chuan nipui bazar inhawn hunah kum 30 mi Manchester United leh France defender Raphael Varane lak an tum. (90 min)
Manchester United hian Varane hmunruak luahtu atan Juventus defender Gleison Bremer an thlithlai chhunzawm zel a. Kum 26 mi Brazil defender lak nan hian 60-70m euros fel bawr tawktarh an tum. (Tuttosport – in Italian)
West Ham chuan nipui bazar inhawn hunah an player manto ber ni turin Bournemouth leh England striker Dominic Solanke lak luh ngei an tum. (Football Insider)