Manchester United chuan England manager Gareth Southgate ni lovin, Brentford manager Thomas Frank zawk chu nipui bazar inhawn hunah an manager Erik ten Hag thlaktu atan Old Trafford-ah hruai luh an tum. (Football Transfers)
Hetihlai hian report dang tarlan danin, Co-owner Sir Jim Ratcliffe leh Ineos te hian season tharah Ten Hag hi United enkawl zui turin an ruahman a. Mah se Ten Hag hi thlak an tum a nih chuan rang takin hma an sawn thuai theihna tur strategy an siam an tum. (inews)
Tottenham chuan loan a an hawh mek RB Leipzig leh Germany forward Timo Werner chu a ngheta lak an duh a. Mah se, £14.5m senga lak ngheh theihna an neih tho vangin hmanhmawh vut vut an tum lo thung. (Four Four Two)
Arsenal chuan Chelsea in Sporting Lisbon leh Ivory Coast defender Ousmane Diomande an lei ngamna zat £51m bakah bonus dawng dawng thei tura tawktarh an siam ang zat chiah an siam ve. (Record via Sun)
Norway striker Erling Haaland chuan champions league quarter-final-ah Manchester City in Real Madrid an hmachhawn tur chu Spanish club lian tan lak tlak a nihzia pholanna hun remchangah hman a tum. (AS – in Spanish)
West Ham chuan kum 28 mi Algeria winger Said Benrahma chu a nghetin Ligue 1 lamah a chhuah theih an beisei. (Football Insider)
Bayer Leverkusen chu European club lian zinga Everton leh England Under-17 goalkeeper Douglas Lukjanciks lak tuma ngaihven zingah an tel. (Mail)
Bayern Munich in an ngaihven vangin Brighton manager Roberto de Zerbi a hlim ru hle a. Mah se a hma lam hun turah thutlukna siam hmanhmawh thut thut erawh a tum lo. (Mirror)
Chelsea-in club neitu hmasa Roman Abramovich-a thuneihna hnuaia sum hman dan dan bawhchhiaa thiam loh chantir an nih chuan point paihsak emaw, Premier League aṭanga hnawhchhuah emaw in hremna an tawk thei dawn.(Guardian)
Liverpool chuan Manchester United in lak an tum Juventus leh Italy forward Federico Chiesa chuhpui an tum. (Teamtalk)
Liverpool neitu Fenway Sports Group leh football chief Michael Edwards thar te chuan Ligue 1 club Toulouse lei an tum. (Football Insider)
Manchester United chuan Fiorentina atanga loan a an hawh mek Morocco midfielder Sofyan Amrabat chu a ngheta la lo turin thutlukna an siam a. Kum 27 mi hi AC Milan chuan an la ngaihven viau reng thung. (Calciomercato – in Italian)
Barcelona chuan Manchester City atanga an hawh mek Portugal full-back Joao Cancelo chu kum khat dang kawl chhunzawm leh an tum. (Marca – in Spanish)
Everton chuan Arsenal rawlthar duhawm kum 18 mi Welsh forward Omari Benjamin lak tumin an ngaihven. (Football Insider)
Los Angeles FC chuan AC Milan leh France striker Olivier Giroud chu free agent a nih hnuah Major League Soccer (MLS) zawm turin an sawm a. Mumal takin contract proposal an thawn. (Fabrizio Romano)