Aizawl: Tun hnaia hna laka thilfel lo awm ngei nia an hriat chungchangah Mizoram Public Service Commission (MPSC) Chairman chu mawhphurtuah puhin Mizo Zirlai Pawl (MZP) chuan MPSC Chairman chu bang turin an ngen.
Nilainia MZP President H Lalthianghlima kaihhruaia MZP Conference Hall-a Executive Committee meeting thukhawm chuan tun hnaia MPSC hnalak chungchang an ngaihtuah a. Thutkhawmah hian MPSC Civil Service combined examination hna lak hnuhnung berah thil fello tam tak a awm ngei nia an hriat thu an sawi a. Exam paper thenkhatah correcting fluid te hman a nih thu leh, mark pek tawhsa thaichhiatna leh mark tihdanglamna hnuhma thahnem tak a awma hriat a ni chu pawi an tih thu an sawi.
MZP chuan hetianga thil dik lo tak thleng hi MPSC Chirman thiam lohah puhin, MPSC zahawmna humhim a nih zel theihnan leh thalai hna zawng mek te’n MPSC ah rinna an nghah zel theih nan tiin, MPSC Chairman chu bang nghal turin an ngen a ni.