Nimin khan Zo Re-Unification Organisation (ZORO) chuan ZORO Pisapui, Treasury Square-ah Executive committee meeting an nei a, meeting hi R. Sangkawia, an pawl President in a kaihruaia, meeting-ah hian India Sorkar in India leh Burma border hung (fencing) a tum chungchang leh Free Movement Regime (FMR) thiah a tum chungchang an sawiho a ni.
Meeting chuan India Sorkar in India leh Burma border hung (fencing) a tum leh Free Movement Regime (FMR) thiah a tum chu unau thlah khat min then hran a tumna leh Zofate min nekchep a tumna niah kan ngai a, tha lo a tiin, a duh lo hle a. India leh Burma ramri hung (fencing) tum a duh loh zia lan tir nan leh Free Move- ment Rigime thiah tum a duh loh zia lantir nan Burma border-ah ni 16, May 2024 hian Peaceful Rally neih tum a ni. ZORO in peaceful rally a neih turah hian Mizoram mipui leh Burma ram chhunga Zofate a tam thei ang ber tel turin a sawm a ni, an ti.
ZORO in Burma leh India ramri hrul a Border fencing duh lohna leh Free Movement Regime(FMR) thiah tum duh lohna Peaceful Rally a neih rual hian India leh Burma ramri hrul a awm khua ten mahni remchan dan anga lo huaihawt ve turin ramri hrul a khaw tinte a ngen nghal bawk a ni, an ti bawk.