Manchester City chuan a zawna EPL top-scorer ni tawh Norway forward Erling Haaland chu contract thar ziahpuia chelh ngei an duh a. Haaland thlun ngheh hi an ngaih pawimawh ber a ni. (Mirror)
Gunners hian RB Leipzig leh Slovenia forward Benjamin Sesko chu 65m euro (£55.4m) senga a lakchhuah theih lai June thla chhung ngeiin lak hman an duh. (Florian Plettenberg)
Paris St-Germain chuan Napoli in Khvicha Kvaratskhelia man an chhiar 100m euro (£85.2m) aia tlemin lak an duh a. 60m (£51.1m) euros vel bawrin kum 23 mi Georgia forward hi lak an duh. (L’Equipe – in French, subscription required)
Hetihlai hian Napoli chuan Kvaratskhelia hi contract thar ziahpui a, a lakchhuah theihna zat tur sum tam zawk dan an lo duh ve mek thung. (Fabrizio Romano)
Manchester United chuan Wolves forward Matheus Cunha leh West Ham winger Mohammed Kudus te lak an duh. (Mirror)
Newcastle United leh Liverpool te chuan Brentford leh Cameroon forward Bryan Mbeumo lak an duh. (L’Equipe – in French)
Barcelona coach Hansi Flick chuan season liam taah loan a an lo hawh tawh Joao Felix chu Xavi hnuaiah a that dan berin inlan thei lo bawk mah se, Atletico Madrid atangin hawh nawn leh a duh. (Marca – in Spanish)
International football a chawlhsan hnua kir leh Belgium midfielder Axel Witsel chuan Atletico Madrid ah contract thar ziah belh leh a duh. (Fabrizio Romano)
Newcastle leh Bournemouth te chu English defender Lloyd Kelly chungchangah an indawr chhunzawm zel. Newcastle United in lak an tum Fulham defender Tosin Adarabioyo chuan Chelsea a zawm ngei dawn niin a lang a. Hei vang hian Lloyd Kelly lak an tum urhsun lehzual. (Sky Sports)
Manchester United chuan Everton in £70m zet an chhiar English defender Jarrad Branthwaite chu £40m vel bawra nen a hlutna inmil tawk vel niin an hria. (Football Insider)
Dutch defender Sepp van den Berg chuan nipui bazar inhawn lai ngeiin Liverpool atanga chhuah a dil. (De Telegraaf, via Standard)
Fenerbahce manager thar tur Jose Mourinho chu Manchester United-a a thawhpui Ricardo Formosinho nen an thawk dun leh dawn. (Telegraph – subscription required)
Borussia Dortmund chuan England winger Jadon Sancho chu Manchester United atang la nghet turin an tlin lo. (Sky Sports)
England midfielder Kobbie Mainoo chuan tuna a hlawh lak mek let li zeta tam hlawh tawh turin Manchester United-ah contract thar a ziak dawn. (Star)
Everton chu nipui bazar inhawn hunah an player langsar hralh turin an inbuatsaih a, hralh an tum zingah hian England goalkeeper Jordan Pickford leh Manchester United in lak tuma an ngaihven mek defender Jarrad Branthwaite te an tel. (Sun)
Tottenham Hotspur chuan Brentford leh England forward Ivan Toney chu £40m vel bawrin an la lut thei dawn. (Football Insider)
Arsenal in ngaihven viau mah se Real Sociedad midfielder Martin Zubimendi chuan Gunners zawm tumna a nei lo. (Sport – in Spanish)
England forward Mason Greenwood chuan Manchester United atangin Juventus a zawm fel hei tep tawh. (Sun)
Chelsea in Napoli forward Victor Osimhen lak an tumnaah hma an sawn hleitheih loh vangin Arsenal chuan Osimhen hi an ngaihven thar ve leh nghal. (Gianluca di Marzio)
Napoli leh Antonio Conte te chu manager a inruai turin inremna an nei thei ta. (Fabrizio Romano)l
West Ham leh Palmeiras winger Luis Guilherme te chuan mimal inremna an nei thei ta a, Hammers hian kum 18 mi manah £25.6m an seng ang. (UOL – in Portuguese)
Galatasaray chuan season tharah champions league an khelh dawn vangin an squad thuamchak thar hluai an tum a, Germany leh Barcelona midfielder Ilkay Gundogan lak an duh. (90min)
Manchester United chuan Ivory Coast defender Ousmane Diomande chu Sporting Lisbon atangin lak an tum dawn. (Express)
Nottingham Forest chuan Tottenham in lak an tum English midfielder Morgan Gibbs-White manah £40m an chhiar. (Football Insider)
Brazil goalkeeper Ederson leh Saudi Arabia club te chu sawi zawm an ni chhunzawm zel a. A chhuak duh a nih chuan Manchester City hnenah chhuah a dil a ngai dawn thung. (ESPN)