Aizawl : Thingtlang mi leh mi harsa zawkte’n lei rem an rah theihnana hma la tu, Mizorama NGO pakhat Cod Nerc chuan NABARD nena tangkawpa Lachu (Litchi) Plantation project chu hlawhtling takin Sinlung Hills Development Council (SHDC) huam chhunga khaw pathumah an kal pui mek.
Cord Nerc hian Tribal Development Fund (TDF) hmanga SHDC huam chhunga Litchi Plantation Project hi Sakawrdai, Tinghmun leh Zohmunah te an kalpui a. Heng khaw pathum atangte te hian chhungkaw 200 thlang chhuakin, chhungkaw 160 te chu Lachu ching tawh leh ching tan tur te an ni a. Hma lak thawh khatnaah chhungkua 80 tuamin, kum 2022 atang khan lachu an ching tan a, chhungkaw khat hian Lachu kung 80 theuh an phun a ni. Chhungkaw 40 te chuan vawk an vulh an kalpui mek bawk.
Thlai chin thawh hnihna atan chhungkaw 80 hnenah May 31, 2024 leh June 1, 2024 khan Lachu tiak an sem leh bawk.
Khaw pathuma Litchi Plantation Project an kalpui mek hi kum 2022 atanga tanin, kum 2027 thleng an kalpui dawn a ni.
Cord Nerc chuan January 2023 atang khan vawk vulh hmanga hmala tanin, vawk note leh vawksa tharchhuah zawng zawng hi Rs 10,53,350 hu a ni tawh a, a la pun chhoh zel an beisei a ni.