June ni 5, Nilaini zing dar 9:30 khan Pu Lalnghinglova Hmar, Minister, Sports & Youth Services Department leh Sports & Youth Services Department hotute leh Sports Authority of India(SAI), NERC, Imphal te chuan Minister Office-ah inkawmhona tha tak an nei.
Naupang zawk te talent haichhuah nana Programme pakhat Khelo India Rising Talent Identification Programme, Rajiv Gandhi Stadium, Mualpui-a neih mek chungchang te sawi ho a ni a. He programme hi Ni 03.06.2024(Thawhtanni) khan tan niin Ni 07.06.2024(Zirtawpni) thleng a awh ang. He programme in a tum ber chu Sports lama tui leh theihna nei naupang te talent haichhuahsaka; grassroot level atangin practices mumal tak neihpuia, hma an sawn zel theih nana kaihhruaiin, technical support pek leh tunlai thiamna hmanga an talent tihpun a, nakin zela Mizoram tan mai ni lova International Sports Event hrang hranga India ram aiawh thei tura Infiammi te buatsaih a ni.
Olympic 2036 lo awm tura Mizorama naupang infiammi te tel ve phak turin Mizoram a naupang infiammi ten talent an neih that thu sawiin, hemi a hlawhtlin ngei theih nan Sports & Youth Services Department leh SAI, NERC, Imphal te chuan thawhona tha zawk neiha, a tul anga hmalak nise tiin inremna neih a ni.