Nimin khan Political Affairs Committee (PAC) ZPM General Headquarters chuan an Party Office-ah meeting an nei a, meeting hi Lalliansawta President, ZPM General Headquarters-in kaihruaiin, a hnuaia mi ang hian resolution an siam.
Lok Sabha MP Election 2024 neih zawk taka ZPM Official Candidate, Richard Vanlalhmangaiha chu Pathian leh mipuite zarah hnehna sang tak changa thlan tlin a lo ni ta hi Pathian leh Zoram mipuite chungah ZPM General Headquarters chuan lawmthu kan sawi tak zet a ni, an ti a.
Campaign laia kan lo sawi tawh thin angin Mizoram MP chuan Parliament-ah zawm bik a nei dawn lova, neutral a ni ang. A thu a zir zelin (Issue Based in) a kal dawn a, kan ram tana tha ber tur ngaihtuahin Party thutlukna ang zelin a kal ang, an ti bawk.