G7 Summit-a Indian Prime Minister Narendra Modi leh Italian Prime Minister Giorgia Malonoi te viral, ‘Melod’ video chuan a bik takin Indian mipui a chiah hneh a, Bollywood actress leh MP Kangana Ranaut chuan video chhuanawm leh fak tlak a nihzia hahipin a sawi.
He video hian social media a luah lum hneh viau mai a, Meloni pawhin X-ah dahchhuakin, “Hi, thiante u, #Melodi’ atangin’ tiin caption tawi fel taka ziak. Netizen lawmah tla in, video-in mi thinlung a hneh takzet a, comment lam pawh chhiar a nuamin, boruak a kal fuh.
Kangana pawh a ngawi mai mai thei bik lova, Prime Minster pahnih te inchawbe-na leh an inkar boruak fuh lutuk tak mai chu comment siam lam chuan enliam mai a tum reng reng lo.
Instagram kaltlangin, “Modi ji theihna sawi hmaih hauh loh tur leh langsar thin em em chu, hmeichhiate rilru a hnehna leh an lungawina tur a thlen thiam thin hi a ni a, an tan a ding a, ngaihsakna leh ngaihtuahna chiang takin a tilang thin,” a ti.
G7 Summit-ah PM Modi hi a vawi thum nana thlantlin a nih hnu-a rampawn a vawikhat chhuahna niin, India ram aiawha a kalnaah hian media lam pawhin an ngaithutak hle a, summit-a sawmbik a nihna mai bakah kumtir lama Italian PM Meloni-i’n India a rawn tlawh tum a, PM Modi nen an inbah fuhzia leh boruak an siam thiam dunzia an chriat chian tawh vangin tun tumah pawh hian an inhmu leh tur leh intawng tur hian Indian media te mai ni lo, khawvela media lian tak tak pawhin chaw tui tak a nih ngei dawn tih hria-in, an focus nasa.
PM Modi pawh a lawm thiam hle. G2 Summit-a tel thei tura Meloni-a’n a sawm chu thinlung taka a lawmzia tarlangin, “G7 Summit-a tel thei tur leh ruahmanna duhawm tak mai min siamsak vangin a chungah ka lawm hle,” a ti.