English Premier League thuneitute chuan EPL 2024-25 season fixture an tichhuak a, Championship atanga kai san Ipswich Town chuan Liverpool an mikhual dawn a, khingpui hautak an nei nghal dawn.
Kum 22 chhung zet top-flight-a an inlan phak loh hnuin Ipswich Town chuan English Premier League an hmachhawn ve leh dawn. EPL a kaisang thar Ipswich hian EPL club lian Liverpool an hmachhawn nghal dawn a, an hmabak a hautak nghal dawn hle. Ipswich Town leh Liverpool te hi EPL 2024-25 zan hnihna, August 17, inrinni zanah an inhmachhawn ang.
Champion lai Manchester City pawhin fixture hautak an nei nghal dawn a, August 18, Pathianni zanah Stamford Bridge-ah an lenglut ang a, Chelsea an hmachhawn nghal dawn. August 16, Zirtawp zanah Manchester United an inlan nghal dawn a. United hian Old Trafford-ah Fulham an mikhual dawn.
Season liam taah Manchester City hnuaiah awm a, pahnihna ni ta Arsenal chuan Wolves hmachhawnin bul an tan dawn a. Champions League khel tur Aston Villa chuan West Ham hmachhawnin bul an tan ve thung ang.