AMC Ward XIX leh Sakawrtuichhun Local Council by Election tluang taka neih a ni ta hi MNF chuan lawmawm kan tiin, Inthlan buaipuitu zawng zawngte leh an aiawh tur thlangtu mipuite chungah lawmthu a sawi a, a bik takin MNF Official Candidate thlang tute chungah a lawm takzet a ni, tiin nimin khan thuchhuah an siam.
Sakawrtuichhun LC a thlantlin ni hi kan lawmpui a, tling tura theihtawp chhuahtu MNF party Candidate C Lalrinfela chungah leh a tana tha leh zung, sum leh pai, theihna zawng zawng chhuahtute chungah lawmthu a sawi bawk, an ti a.
AMC by election neih zawh takah hnehna chan ngei MNF chuan a in beisei a. Kan candidate Dr. Lalrinzuali Hrahsel vote tute leh puitute zawng zawng chungah lawmthu kan sawi a ni, tia an thuchhuahah chuan tarlangin.
LADC leh MADC by Election neih turah Inthlan buaipuitu zawng zawng chungah lawmthu MNF chuan a sawia, bial chhung mipuite an bial hmasawn nan MNF Official Candidate lo Vote vek turin a ngen tak meuh meuh a ni, an ti bawk.