#Zozam Times July 03: National Health Mission, Mizoram hnuaia programme pakhat RBSK leh Ebenezer Medical Centre, Aizawl te tangkawpin Mizorama a hmasaber atan naupang 11 te lung pawp an hnawh.

Ebenezer Medical Centre, Aizawl-ah Cardiologist Dr. Vanlalmalsawmdawngliana leh a team ten Congenital Heart Disease Device Closure Camp neiin, RBSK-in Mizorama khua/veng hrang hranga naupang lungpawp hnawh ngai naupang 11 te lungpawp hlawhtling takin an hnawhsak a. Naupang 11 te hian dam taka damdawi in chhuahsan vek tawhin, naupang 11 te lung pawp hnawhna man chu RBSK, National Health Mission, Mizoram-in a tum a ni.

Device Closure Camp hi naupang lung enkawltu thiam Dr. Nageshwar Rao, Rainbow Hospital, Hyderabad chuan a vil bawk.

Tuntuma naupang 11 te chhiar tel hian RBSK, National Health Mission, Mizoram chuan naupang 101 lung thalo inenkawl ngai te damdawi in awm man a tumsak tawh a ni.