Rimawi khawvela band lar Imagine Dragons zaipu Dan Reynolds chuan Israel leh Azerbaijan-a show nei lo tura zaimi langsarte’n an ngenna chu a hnawl.
Israel hi Hamas nena indo mek an ni a, mihring dikna leh chanvo palzutna nasa tak awm meka inpuhna a riring hle. Azerbaijan pawh hi mipui sorkar ni lo, Lal hrawtna ram a nih vang a ni bawk.
Thla hmasa khan System Of A Down ziapu Serj Tankian chuan sawihlawh tak concert nei tur Imagine Dragons te hi ziakin, ngenna alo thlen tawh.
Ngenna hrang hrang awm ve bawk mah se, zaipu Reynolds chuan, “An hruaitu leh sorkar vang maia fan te’n kan zai an ngaithla thei lo tur tih vel hi ka pawmzawng a ni lo. An tana zai a, inlanna tur kawngah fan te tihbeidawng ka tum ngai lovang,’ tiin a ngaihdan tlang takin a sawi.