Nimin khan Zuangtui leh Muthi a khuarel chhiatna avanga in leh lo chante chu PC Vanlalruata, Minister leh C Lalnunnema Vice President, ZPM Gen.Hqrs ten a hmunah kalin an tlawh a, khawtlang hruaituten an lo dawngsawng.
Zuangtuaiah hian tunhnaia ruahsur avangin leimin chenna in luahlai 4 a hnawl a. A luahtu chhungkuate hian buangrua engmah an chuh hman lo a ni. Vanneihthlak takin naupang pakhat a hliam tih loh chu nunna chan leh hliam an awm lo. Tin Muthi ah hian Lalsangzualate chhung chenna in chu leiminin a hnawl bakah Biakthansangite chenna in pawh luah ngam lohin a awm mek bawk.
Minister Ruata chuan,”Khuarel chhiatna avanga in leh lo chan kan awm leh hliamtuar mai bakah veng thenkhata nunna hial chan an awmte hi Sorkar chuan kan tawrhpuiin pawi kan ti takzet a, Sorkarin a tih theih ang ang chhiatna tuartute tan a ti zel dawna, tunah hian DM&R lam pawn a tul ang an buaipui mek a ni,” a ti.
C.Lalnunnema Vice President, ZPM Gen Hqrs pawhin chhiattawk te ZPM Party in an tawrhpui thu sawiin, Hnatlangte thingpui in na senso atan Zuangtui khawtlang hruaitute hnenah Rs 5000 a hlana, tin Muthi ah pawh leimin vanga harsatna tuartute hnenah ZPM General Headquarter aiawhin sum leh pai a hlan bawk.
He hunah hian ZPM Gen Hqrs atangin hruaitu thenkhatin an tawiawma Thalai Headquarters hruaitute an tel bawk a ni.