Leiminin an chenna in a chhilh avanga nunna chan Isak Chhangte (32), a nupui Lalrinthari (25) leh an fanu Abigail Lalchhanhimi (4), Zemabawk High School Vengte chu Mizoram sorkarin nimin tlai khan a ral.
Mizoram sorkar aiawhin Disaster Management & Rehabilitation (DMR) minister K Sapdanga chuan ralna hi an chhungte hnenah a hlan. DMR Minister chuan chhiatna thleng avanga nunna chan an awm chu pawi a tih takzet thu a sawi.
Mizoram sorkar chuan chhiatna avanga nunna chante hi cheng nuai li theuhin a ral a, DMR Minister chuan chhiat tawk chhungte hnenah cheng nuai 12 a hlan.