Arsenal in 47m euro (£40m) tawktarh a Italy defender Riccardo Calafiori an dawrna chu Bologna in an hnar. Chelsea pawhin an ngaihven kum 22 mi Calafiori manah hian Bologna chuan 50m euros (£42m) an chhiar. (Corriere dello Sport – in Italian)
Manchester United chuan Portugal midfielder Bruno Fernandes contract thar an zawrh chu pawh fan leh deuh an rilruk a. Fernades hian Old Trafford-ah cham chhunzawm turin contract thar a ziah tho erawh beisei a ni. (Mirror)
France defender William Saliba chu Real Madrid in an ngaihven a, kum 23 mi hian nipui bazar inhawng mekah Arsenal a chhuahsan thut mai thei. (Mirror)
Manchester United, Chelsea leh Arsenal ten ngaihven bawk mah se Nigeria striker Victor Osimhen chu Napoli pre-season inbuatsaihnaah a la tel dawn. (Football Italia)
West Ham chuan Nice in France defender Jean-Clair Todibo lak tuma an dawrna an hnar hnuin dawr nawn leh ngei an tum. Kum 24 mi manah hian £25m an tawktarh chu Nice in an hnar a, Hammers hi sum tam zawk nen thawk nawn leh turin an inhmakhua. (Mail)
Barcelona chuan Spain forward Dani Olmo chu RB Leipzig atangin lak an duh a. A lakchhuah theihna zat 60m euro (£51m) in inremna neihpui an tum. (90 Min)
Brazilian winger Willian chuan Fulham in contract thar an zawrh a hnar. Kum 35 mi hi Saudi Arabia leh Turkey club ten an ngaihven. (Mail)
Paris St-Germain midfielder Ethan Mbappe, France striker Kylian Mbappe unaupa chuan hun rei tak cham turin Lille zawm a tum. (Fabrizio Romano)
Manchester United chuan Tottenham atanga an lo hawh tawh Spain defender Sergio Reguilon chu lak nawn leh an duh. (AS – in Spanish)
Everton chuan kum 22 mi Cameroon defender Jackson Tchatchoua an ngaihven a. Hellas Verona chuan Tchatchoua manah 8m euros (£7m) an chhiar. (TuttoMercatoWeb – in Italian)
Atalanta chuan Italy midfielder Nicolo Zaniolo chu Galatasaray atangin hawh hmasak phawt a, lak ngheh theih turin lak luh an tum. (Gazzetta dello Sport)
Barcelona chuan Athletic Bilbao leh Spain forward Nico Williams an lak theih nan Uruguay defender Ronald Araujo leh Brazil winger Raphinha hralh an duh. (SportsMole)
Chelsea chuan kum 21 mi Nottingham Forest defender Murillo lak an duh a. Mah se Nottingham Forrest in Murillo manah £60m an chhiar chu to uchuak niin an ngai thung. (Football London)
Chelsea leh England midfielder Conor Gallagher chuan Aston Villa zawm a hreh rih a, Stamford Bridge-a contract thar ziah hun a nghak. (Telegraph – subscription)