- V. Anantha Nageswaran
February ni 1-a Finance Minister in Budget 2022-23 a pharh ah khan ‘FCs- continuity, correctness, conservatism and crowding’ kan hmu a, chawl lova, tha zawka, mi tam zawk huap atana ruahmanna puan chhuah a ni.
Kum hnih kalta atang khan budget ah hian tunhmaa ngaihthah thin te tih changtlunna tur kan hmu a ni. Budget piah lamah hian pawisa puk theihna leh Union Government inrawlhna tihlem a nih thu leh Revised Estimates (RE) ah kumin a hman tur Rs 750 Cr kan hmu a. Langtlang leh felfai zawka budget siam hi ngaihpawimawh a ni tih kum hnih chhunga kan budget atang hian a hriat theih.
Kum hnih chhung hian khawvel pum hri leng in min tihbuai zia kan hmu a, sawrkar chuan enkawl ngai bik te tan Emergency Credit Line Scheme a duang a, hengte hi Emergency Food support (PM Gharib Kalyan Yojana) kaltlangin pek a ni a, buhfai leh ei tur dangte chu vawi tam tak Public Distribution hmangin pek a ni a, thintlangah inhlawhna te siam niin PM Kisan pawh a taka kalpui a ni.
Kumin budget ah hian Emergency Credit Line Guarantee Scheme chu tih changtlun leh a ni. Credit Guarantee Trust for Micro and Small Enterprises (MSME) tih changtlun leh a ni a, hemi kaltlang hian MSME hman atan Rs 2.0 lakh crore dah belh a ni dawn ta a ni.
Sawrkar chuan hrileng hi remchangah la in kan economy siam that nan a hmang a. Entirnan Production Linked Incentive Scheme chu sector sawm pali a hman turin a ti a, chhiah pek dan te siam tha in corporate leh mimal income tax te chung changah pawh kalphung a thlak danglam a ni. Gati Shakti dashboard chu siam niin, sawrkar in thil a lei chungchangte, Factoring Law leh Account Aggregator framework tharte siam a ni bawk.
2022-23 Budget ah hian structural leh process improvement ngaih pawimawh a nih thu kan hmu a. Gati Shakti kaltlangin protal hrang hrang- Udyam, e-Shram, NCS and ASEEM te chu thlunzawm a ni a, hei hian MSME te chu credit facilities, skilling, post office nena core banking hman dan leh thil dang dangte kum hnih chhunga hman tur a duang a, hei bakah hian world class foreign university leh institution tan kawng a hawng a, hengte hi GIFT city ah te din a ni ang.
Economic Survey 2021-22 in GDP thanna 8-8.5% vel ni tura a tarlan laiin 11.2% a ni a. Project thawh turte hi rang taka kalpui a ni dawn a, hei hian GDP thanna a tisang ang. Hei hi 2022-23 tana positive base effect a ni. Omicron variant in kan economy a nghawng dan a zirin kumin fiscal year last quarter chu a danglam ang. Pawn lam atanga kan economy a nghawng dan (oil price shock, Fed’s monetary policy normalisation impacting global financing conditions, etc.) a zirin thil a danglam bawk anga, chuvang chuan 11.2% chu hmalam thlir thuina zawk vang a ni ang.
Sawrkar hman tur Capital Expenditure chu 36% ub tihsan a ni a, BE 2021-22 ah 35.4% a ni bawk, hei hi AIR INDIA tana Rs 52000 Cr pek paih hnu ah a ni. State sawrkar tan kum 50 chhunga pung awm lova rulh turin Rs 1.0lakh cr dah a ni a. Nikum khan Rs 65000 cr dah a ni a, kumin ah chuan Rs 69000Cr a ni thung, heing zingah hian National Highways Authority of India a equity pek a huam tel a. Mipui enturin tarchhuah vek a ni.
State sawrkar ten Rs 1.0 lakh cr hi additional borrowing angin an kalpui thei a, Union Government in a pung a pek aia tam an pek a ngai ang. Hengte hi revenue expenditure atana hman theih a ni. Pung tam tak awma an puk lohna turin interest free loan hi siam a ni ta a ni. Nikum November thlenga state te capital expenditure hi 67% aiin a sang a ni. Hei hian he ruahmanna 50 year interest free loan awm hma aia an hnathawh a ti chak hle.
NHAI Capital investment hi kum kalta atang khan pawisa puka pek ni se tih a ni a. Amaherawchu sawrkarin budgetary support a hawng zau a, tunah hian NHAI te hian an hnathawh mek chawlhsan lovin an chhunzawm thei dawn ta a ni.
Hri leng avanga buaina hrang hrangte lianin mipuite ringhlel mahse, capital investment puan hrang hrang te hian private investment te thlengin a huap dawn a ni.
(A ziaktu hi Chief Economic Advisor to the Government of India a ni.)