EDITORIAL 10/2/22


A huna thuneihna hmang ngam hruaitu leh hotu

Ramri buainain tawp lam a la pan hlei thei lo a, a reh emaw tih laiin thawm a rawn awm thar leh thin bawk. Tun hnai lawkah pawh Assam police leh civil mi engemawzatin Bairabi Zophai hmun an tlawh a, Kolasib DC in police tirh ve tuma thuneitu lam a zu vau ve hnuah an tin darh leh chauh a ni.
Kan buaina hi a reh mai dawn lo a, a lehlam lehlam pawh hi kan teu dun hlar tawh mai bawk si nen, thuneitu sang lamin hmalak loh nise tia an ngenna leh thu dah zawm hi kan inrem theihna a la ni rih mai si a, khauh taka duty tur indah reng erawh kan ngai dawn a ni.
Hetiang boruak kan nih chhoh tak avangin thupek kengkawhtute an pawimawh hle mai a, Kolasib DC hian fak a phu hle thin bawk. Mahse, sorkar lah chuan sawnchhuah a tum leh der tawh mai si a, ani anga mi viak tha leh a huna rorum ngam hi an awm leh thei ang e maw?
Tuna Bairabi Zophaia Assam mi thahnem tak an luh chungchang pawh hi Kolasib DC Dr H Lalthlangliana hnenah hriattir vat a ni a, police-te chu helai hmunah hian tirh nghal an ni bawk. Kolasib DC pawhin Hailakandi bawrhsap chu be nghalin an mite kirtir vat turin a hriattir nghal a ni. He thil thleng chungchanga Kolasib-a chanchinbumiten an kawmnaah Kolasib Bawrhsap Dr H Lalthlangliana chuan Halaikandi bawrhsap hnenah tun hnai maiah boruak muanawm tak a kal theih nan chanchin inhrilh tawn nise tia inbiakna an neih zawh chauh hnua police leh Assam mite Bairabi-ah an lut chu tha a tih lo thu a hrilh tih a sawi bawk.
A huna invaupung ngam hruaitu leh hotu zel hi a ni kan ramin a mamawh ber chu ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427