Arsenal chuan kum 25 mi Napoli leh Nigeria striker Victor Osimhen lak tumin an ngaihven chhunzawm zel. (Corriere dello Sport – in Italian)
Gunners hi season tharah champion tumin an tang hle a, Real Sociedad atanga Spain midfielder Mikel Merino la lutin an muallai thuamchak an tum bawk. (football.london)
Napoli chuan Chelsea leh Belgium striker Romelu Lukaku chu Osimhen man then khata dawn tel atan an duh. (Guardian)
Tottenham chuan Juventus leh Italy forward Federico Chiesa lak an duh. (Sky Sports Germany’s Florian Plettenberg on X)
Atletico Madrid chuan Aston Villa leh Tottenham te pawhin lak tuma an ngaihven Chelsea leh England midfielder Conor Gallagher lak theih ngei an inring. (Football Insider)
Republic of Ireland defender Jake O’Brien chuan Lyon atanga Everton zawm fel turin Merseyside lamah medical test turin a kal. Everton hian O’Brien manah £17m an sen hmel. (Guardian)
Everton hian kum 20 mi Strasbourg leh Senegal midfielder Habib Diarra dawr an tum bawk. (L’Equipe – in French)
Crystal Palace leh Ghana forward Jordan Ayew chu Leicester City in lak an duh. (Sun)
Premier League club thenkhat leh ram dang club ten Luton Town winger Tahith Chong lak tumin an ngaihven hlawm a. Kum 24 mi hi £10m sengin a lak theih ang. (Sky Germany)
France leh Monaco midfielder Youssouf Fofana chuan AC Milan zawm thlang zawk bawk mah se West Ham chuan lak tumin an dawr tho hmel. (Givemesport)
Manchester United goalkeeper hlui David de Gea chuan Genoa zawm a tum lo. Spaniard hian United a chhuahsan hnuin club zawm a la nei lo ngar ngar a, Genoa nen hian sawizawm ni bawk mah se an la inhnaih ngai lo hrim hrim a ni awm e. (Fabrizio Romano)
West Ham chuan striker thar lak tur an zawng mek a, Borussia Dortmund leh Germany frontman Niclas Fullkrug chu striker an lak thar ni thut thei zingah a tel. (Sky Sports)
Arsenal chuan Bayern Munich leh Germany winger Leroy Sane an ngaihven tak naa tun nipui bazar inhawn lai chuan an lak hmel loh thung. (Sky Germany)
Newcastle manager hlui Steve Bruce chu Jamaica in an manager thar atan an dawr. West Brom in October 2022-a an ban hnuah Steve Bruce hian club enkawl a la nei leh ta miah rih lo. (Mail)
Everton chuan English centre-back Reece Welch chu loan in tirhchhuah an tum. (Football Insider)
Tottenham leh AC Milan te chuan kum 25 mi Brazil defender Emerson Royal chungchangah inremna an la nei thei rih lo. (Ben Jacobs)
Chelsea chuan kum 18 mi Genk goalkeeper Mike Penders an ngaihven. Chelsea hian Penders hi an dawr fel thei a nih bawkin Genk-ah hian loan a khelhtir zui an tum thung. (HLN – in Dutch)