AZL: Tun laiin Aizawl khawpui chhungah ‘Tumhara Naam Kya Hai?’ tih thu intar hmuh tur a tam hle a. Hemi chungchangah Aizawl Municipal Corporation (AMC) hotute chuan hetiang thuziak intar chu thian fai vek turin a tartute an hriattir.
Nimina thuchhuah an siamah AMC chuan Aizawl kawtther hmun hrang hranga, phalna nei lova ‘Tumhara Naam Kya Hai?’ tih poster intar chu December 8, 2024 khan a tartu chhuichhuakin, Black Tiger Cement brand fakna atana M/s Goldstone Cements Limited hmalakna a ni tih a hria tih an tar lang.
December 9, 2024 chawhma lam khan Manager, Goldstone Cements Limited, Chanmari, Aizawl hnenah hriattirna pein phalna nei loa poster tarte hi thupek chhuah ni, chhun dar 1 rik hmaa thian fai vek tur leh an hmalaknate rang taka AMC-a theh lut nghal turin thu a pek thu a tar lang.