Aizawl: December 8, 2024 zana social media-a video darh, mipain khawlaia hmeichhe pakhat kut a thlaknaa kutthlaktu mipa chu jail-ah dah a ni tawh.
Thudawn danin, hmeichhe kutthlaktua puh, C. Lalnunfela (22), Chanmari West hi nimin zing dar 1 vel khan police-ten manin, nimin vek khan Aizawl District Court-ah hruai nghal a ni a. Court remtihnain nimin vek khan District Jail, Aizawlah dah luh a ni.
Police-te chuan he thil thlengah hian thubuai an ziah luh angin an chhui zui ang a, an chhuina report (chargesheet) an thehluh hnuah court-ah a ngaihtuah ang.
December 9, 2024 khan hmeichhe kutthlaktua puh, C Lalnunfela lakah hmeichhe laka hleilenna lantirna thubuai, U/S 74 BNS, 2024 hnuaiah ziah luh a ni.
Kutthlaktu hian thiam loh a chang a nih chuan a rei lo berah kum khat jail tang tura hrem a ni dawn a, a tan hun chhung hi kum nga thleng pawhsei theih a nih bakah, pawisa chawitir tel theih a ni.