Syria-a tharum thawhna thleng mek avangin India chuan Nilaini khan a mi 75 chu a thiar haw.
Heng thiar chhuahte hi 44 chu Jammu & Kashmir atanga biakzina kalte an ni a. Helhovin tun kar an khawpui, Damascus an lak tak avanga thil tha lo zawk thleng zel thei laka inven nan hruai haw an ni.
External affairs ministry chuan Indian-te hi an zavaiin Lebanon luhpui an ni tawh a, heta tang hian sumdawng thlawhna pangngaiin India-ah an haw dawn a ni tih a sawi.
Indian thiar haw hna hi Damascus leh Beirut-a Indian embassy nena tanghova thawh a ni a, ‘venhimna dinhmun thlir chung leh Syria-a Indian awmte ngenna avangin hetiang ruahmanna hi kalpui a ni ta a ni’ tiin ministry chuan a sawi.
Jammu & Kashmir atanga biakzin (zaireen)-a kalte hi Shia Muslim-te hmun thianghlim pawimawh tak, Sayyidah Zaynab-a tang an ni a. He hmun tlawhtute hi damna beiseia kalte an ni thin.
Ministry chuan tuna Syria-a Indian la awmte chu Damascus-a Indian embassy bepawh thuai turin a ti.
Syria-ah hian tun kar khan rorel lai, Bashar al-Assad-a chu helhovin an paih thla a, buaina lian zawk a chhuah hlauh a ni.