Zaithiam Selena Gomez chuan hla phuah thiam Benny Blanco nen an inhual thu a sawi.
Actress leh singer Selena hian Instagram-ah an inhualna zungbun chu langsar taka tilangin, ‘forever begins now’ tiin caption a siam.
Nikum lam atanga inzui tawhte hian vantlang hmaah an inkawp thu sawi ngai lo mah se, tunah erawh engkim an rawn tichiang ta a ni.
Zaithiam lar Taylor Swift pawhin a thiantha takte inhualna chu lawmpuiin, flower girl nih ngei a duh thuin Selena thlalak post hi a comment.
A inhualpui Blanco pawhin he a thil post hi lo comment ve in, ‘Hey nghak lawkss…hei chu ka nupui a ni’ tiin thu a hnutchhiah ve bawk a ni.
Selena te inhual thu hi milar hrang hrangte pawhin lawmpuiin, rapper Cardi B, actress Gwyneth Paltrow, Jennifer Aniston leh Suki Waterhouse te bakah singer Lil Nas X te pawhin duhsakna an hlan a ni.