Chelsea winger Mykhailo Mudryk chuan dan phal loh damdawi a ei nia sawi niin, test a neihnaah hei hi hmuhchhuah a nih thu sawi a ni.
Thawhlehni khan Ukraine international hi a zun atangin phal loh thil hmuhchhuah a nih avangin Football Association pawh biak nghal a nih thu a khelh mekna club Chelsea chuan an sawi.
Hemi chungchangah hian Mudryk chuan hrereng chunga tisual a nih loh thu sawiin, hemi chungchangah hian Chelsea chuan hma an la dawn niin a sawi a, damdawi hman phal loh thil tih chu a duh ngai loh thu a sawi bawk.
Mudryk-a test-ah hian eng damdawi phal loh thil nge hmuhchhuah a nih tarlan a ni lo a, hremna lekkawh hun chhung tur pawh hriat a la nih loh bakah, club chuan thil thlen dan enfiah thuai a, hremna pek tir loh dan an ngaihtuah tur thu an sawi bawk.
Mudryk hian kum 2023 khan Ukrainian club Shakhtar Donetsk atangin pound maktaduai 89 velin Chelsea a pan a, London club tan hian match 73 khel tawhin, goal 10 a khung tawh a ni.