Aizawl: Chief Minister Lalduhoma’n Mizoram hmasawnna hnathawh mek tawh zingah siam that hleih theih tawh lohte chu an siam tha thei lo a nih pawhin an hna thawh leh tur chin chu a tha tur a ni tih a sawi.
Nimin khan Chief Minister Conference Hall-ah chief minister hoin Mizoram State Project Monitoring Committee chuan General Body Meeting an nei a. He hunah hian Mizoramin hmasawnna hna an lo thawh tawh hrang hrang an thlir let a, tun tum hi an meeting tum lina a ni.
Thutkhawmah hian chief minister chuan Project Monitoring Committee thawhrimna fakin lawmthu a hrilh a. Report reng reng kimchang tak siam zel turin a chah a. “Project lo thawh mek tawh, siam that hleih theih tawh lohte hi chu thui tak kan siam tha thei lo a nih pawhin kan huna hna thawh leh tur chin hi chu a tha tur a ni a. |ha taka endik kan tum ang. Ram hmasawnna tha leh tlo siam ngei kan tum tlat a ni,” a ti.
Meeting-ah hian Mizoram State Project Monitoring Committee-in kumin September leh November chhunga hmasawnna hna thawh heng – Smart City hnuaia High Field, McDonald Hill siam that chungchangte, Tlangnuama Eklavya Model Residential School sak te, PMMSY hnuaia Thenzawla Brood Bank din te leh Durtlang leitan – Sihphir kawng siam that leh laih zauh hna te, CIRF hnuaia Aizawl-Durtlang-Lungdai-Kawnpui kawngpui siam hna te an endik a. An thil endika thil fel lo an hmuhte a thlalak nena enin, hmalak zui zel dan tur an rel nghal bawk.