Aizawl: India rama sorkar damdawi in tha bik thlan zingah Khawhai Primary Health Centre a tel.
National Health Mission, Health & Family Welfare Department atanga thu dawn danin, India rama sorkar damdawi in tha bik tehna, National Quality Assurance Standards (NQAS)-ah Khawhai PHC te chu an tling a, a tehnaah 90.13% an hmu.
Heti hian Mizorama sorkar damdawi in 14-te chu NQAS national certificate nei an ni tawh a. Tunah hian sorkar damdawi in 15-in state level paltlang tawhin national certificate hi an dil mek bawk.
Health Minister Lalrinpuii chuan, India rama damdawi in tha bik thlan chhuah zingah Mizorama damdawi in an awm belh zel chu Mizoram tan mellung pawimawh tak a nih thu leh thawktu zawng zawng te thawhrimna leh taimakna chhuanawm a tih thu sawiin, heng tehnate hi sorkar damdawi in pantu damlote chu a chhawr tangkai bertu tur an nih thu a sawi.