Los Angeles ram kang chuan ziaawm lam la pan hlei thei lo zelin, milar tam takte chenna in pawh he kangmei hian a zuah bik lo.
Milar tam tak zingah Mel Gibson chuan Malibu-a a chenna in chu Los Angeles ram kang hian a tichhiat thu a sawi a, kangmei a chhuah lai hi a awm loh lai a nih hlauh thu sawiin, Austin, Texas-a Joe Rogan nen podcast recording an neih lai a nih thu a sawi.
He chhiatna thleng avang hian che chang lek lova a awm nghal thu Gibson chuan sawiin, a thim zawnga thlir lova a eng zawnga ke pen hram hram erawh a tum thu a sawi a ni.
Kangmei hian mi lar dang, Milo Ventimiglia, Mandy Moore, Billy Crystal, Jeff Bridges, Paris Hilton, Ricki Lake leh Miles Teller-a nupui Keleigh te chenna pawh man kaiin, an chenna in an hloh thu an sawi chhuak hlawm.