Fury-a’n boxing a chawlhsan thu puang leh ta

Heavyweight world champion hlui, Tyson Fury chuan boxing a chawlhsan thu a puang leh.

Fury hi a inhnek hnuhnung ber chu December kha niin WBA (Super), WBC leh WBO champion Oleksandr Usyk nen an inhnek nawn lehna kha a ni.

Kum 36 mi hian April, 2022-a Dillian Whyte a hneh hnu lawkah khan a chawlh thu hi a lo puang tawh a, thla ruk hnu lekah a kir leh thung.

Briton hi vawi hnih heavyweight champion ni tawhin vawi 34 chak, vawi hnih tlawm leh vawi khat hnehtawk neiin a chawl dawn ta a ni.

“In zavaia hnenah tawi têin thil ka sawi duh a. “Boxing atanga ka chawlh thu ka puang duh a, thil ropui tak a ni a, minute tin mai kha nuam ti em emin ka awm a, tunah chuan tawpsan ka tum ta a ni,” a ti.

Fury hi vawi hnih chiah tlawm a nei a, hei hi Ukrainian boxer Usyk-a lakah ve ve a ni.

Leave a Reply

error: Content is protected !!

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427

Notice: ob_end_flush(): failed to send buffer of zlib output compression (1) in /home/thezozam/public_html/wp-includes/functions.php on line 5427