Prime minister Narendra Modi chuan nimin khan Jammu & Kashmir mipuite hnenah a thutiamte chu hlenchhuah ngei tuma hma a lak mek thu leh kawng dik an zawh chhoh tur thu a sawi.
Modi hian J&K ah hian Z-Morch tunnel hawngin, hemi hnu hian vantlang inkhawmah thu a sawi a, a thusawi hma hian chief minister Omar Abdullah chuan J&K chu state nihna nei leh tura dilna thu a sawi bawk.
Hemi hnu hian state dilna chungchang tak hi sawichhuak dawt lovin Modi chuan a thusawinaah, thusawitu hi Modi a nih an rin ngam a ngaih thu sawiin, engkim tan hun dik tak a awm thu a sawi a, thil dik tak thleng tur chu a hun takah a lo thleng dawn niin a sawi bawk a ni.
Prime minister chuan Jammu and Kashmir chu ram lallukhum a nih thu leh mawi leh hausa tura a duh thu a sawi bawk.
Kashmir ruam chu rel hmanga thlunzawm thuai a nih tur thu Modi chuan sawi bawkin, hei hian an state chhung mipuiteah awlsamna a la thlen ngei tur thu a sawi bawk a ni.